A partir do VI Congreso do Partido Comunista Cubano (PCC) celebrado en abril de 2011, Cuba iniciou unha serie de reformas, dentro das singularidades do seu modelo socialista, que poden supor importantes mudanzas socioeconómicas e políticas a medio prazo. Non obstante, o futuro do modelo socialista cubano dependerá, en grande medida, da unificación de fórmulas deseñadas para alcanzar o consenso social necesario que permita encamiñar o seu desenvolvemento económico e social en consonancia coas correntes máis avanzadas socialmente no século XXI, e que permitan por súa vez avanzar na construción da democracia socialista, afastándoa do perigo de “burocratización” e inercia deste modelo.
© 2001-2024 Fundación Dialnet · Todos los derechos reservados