Resumen de A evolución no significado da discapacidade
A presente aportación achega as liñas principais da evolución do concepto de discapacidade ao través do tempo, na cal a interpretación máxica da discapacidade prevaleceu durante séculos. No século XX, os avances desenvolvidos a partir do modelo médico contribuiron a dignificar a vida do colectivo. A presentación, en 1980, da Clasificación Internacional das Deficiencias, Discapacidades e Minusvalías (CIDDM) e, posteriormente, no ano 2001, da Clasificación Internacional do Funcionamento, da Discapacidade e da Saúde (CIF) incorporaron a diferenciación entre discapacidade, deficiencia e minusvalía no discurso académico e na intervención, en cosonancia co modelo social da discapacidade.
