Historia de Unión Fenosa no marco do sector eléctrico 1982 - 2008. Evolución empresarial, financeira e impacto do marco regulador
Por favor, use este identificador para citas ou ligazóns a este ítem:
http://hdl.handle.net/10347/18261
Ficheiros no ítem
Metadatos do ítem
Título: | Historia de Unión Fenosa no marco do sector eléctrico 1982 - 2008. Evolución empresarial, financeira e impacto do marco regulador |
Autor/a: | Dios Vicente, Adrián |
Dirección/Titoría: | Carmona Badía, Xoán (dir.) |
Centro/Departamento: | Universidade de Santiago de Compostela. Facultade de Ciencias Económicas e Empresariais Universidade de Santiago de Compostela. Departamento de Economía Aplicada |
Palabras chave: | Unión Fenosa | Sector eléctrico | Empresas eléctricas | |
Data: | 2019 |
Resumo: | O presente traballo ten por obxectivo analizar a vida de Unión Fenosa como unha das principais empresas do sector eléctrico español. Dende o ano 1982, no que FENOSA e Unión Eléctrica Madrileña deciden realizar a súa fusión, a compañía situarase como unha empresa de tamaño medio, que foi quen de adaptarse a diversos contextos para sobrevivir até a súa desaparición no ano 2008. Así, analizaranse as diversas estratexias empresariais desenvoltas pola empresa no marco do sector eléctrico, moi cambiante no período, facendo especial énfase ás condicionantes económicas, financeiras e reguladoras, determinantes nun sector como o eléctrico. Deste xeito, valorarase a necesidade real de realizar a fusión, así como as diversas estratexias empresariais, dende a necesidade de asumir o novo marco regulador para afrontar os problemas da débeda até a necesidade de expansión da compañía, en particular sobre a base da internacionalización e a diversificación empresarial. Deste xeito, o factor fundamental para a fusión entre ambas compañías pasaba pola necesidade de solventar os importantes problemas financeiros dunha estratexia de investimentos demasiado grande para as necesidades do mercado nun contexto complexo: desaceleración de consumo eléctrico, deterioro do tipo de cambio e elevados tipos de xuro. Ante esta situación a fusión preséntase como mecanismo para ampliar a escala da compañía e conseguir superar estes problemas, en paralelo á actuación do sector público, fundamental para que o sector eléctrico pervivise no tempo. Unha vez superados os problemas financeiros, a compañía inicia unha senda de crecemento baseada en primeiro lugar na internacionalización e diversificación da compañía ante o esgotamento do mercado natural nun sector maduro como o eléctrico en España, para posteriormente dar lugar a unha nova estratexia de retorno dos investimentos para afrontar os crecementos da demanda eléctrica de comezos da década dos 2000, o que supuxo abandonar a estratexia previa de constitución dunha empresa transnacional multiservizos para converterse nunha empresa integral da enerxía a través da expansión do negocio eléctrico e a creación dunha sección adicada ao control da cadea de valor do gas. |
URI: | http://hdl.handle.net/10347/18261 |
Dereitos: | Attribution-NonCommercial-NoDerivatives 4.0 Internacional |
Coleccións
O ítem ten asociados os seguintes ficheiros de licenza: