A tese de doutoramento aquí recollida contén un achegamento ó coñecemento da resposta institucional ó mundo da pobreza na cidade de Lugo durante o período que vai de 1875 ó ano 1905.
A análise desa resposta leva ó estudo do funcionamento dos establecementos benéficos da cidade nese momento: a Casa Municipal de Beneficencia, O Hospital Municipal e a Casa de Maternidade e Expósitos. Cada un destes establecementos constitúe un apartado fundamental do traballo investigador.
O estudo da crise de subsistencia que abarca os anos comprendidos entre 1877 e 1880 constitúe outro apartado esencial do traballo. A maneira na que se produce a resposta das institucións diante do problema que se orixina pola invasión de pobres que se produce en Lugo na primavera de 1880 é obxecto de análise nese apartado.
De todo o exposto neses apartados extráense as conclusións oportunas que conforman o apartado final do traballo.
© 2001-2024 Fundación Dialnet · Todos los derechos reservados