Os vinte anos transcorridos dende que o Consello da Cultura Galega editara o primeiro informe da comunicación en Galicia deixáronnos cambios substanciais no sector. A unha significativa eclosión de empresas, medios e proxectos sucedeulle a presente crise económica, con forte impacto no ámbito comunicativo. As augas baixan revoltas, con moitos interrogantes sen resposta, tanto para as empresas como para os xornalistas, e cun convencemento xeral de que no futuro haberá grandes transformacións na industria e na profesión. As dezasete contribucións que inclúe este volume -o último en formato papel- constatan as grandes mudanzas producidas dende hai dúas décadas en Galicia en eidos como a radio, a televisión, a industria publicitaria, as relacións públicas, a prensa, o cine, a internet, as novas tecnoloxías, a lingua galega ou a profesión xornalística. Amosan tamén que o mañá se albisca cheo de incertezas e de oportunidades, se a brétema dos avances tecnolóxicos e da crise económica non nos fai esquecer a importancia dos contidos e da sociedade que, de xeito cada vez máis activo e crítico, os recibe e emite. Pero iso deberá analizarse nos informes futuros, que verán a luz só en edición dixital. Cousas dos tempos da nova etapa.
| Título | comunicación en Galicia 2013, A |
| Coordinación |
Xosé López García Manuel Rivas Rosa Aneiros |
| Autoría |
Luis A. Álvarez Sestelo Manuel M. Barreiro Francisco Campos Freire María Jesús Díaz González Domingo Docampo Miguel Anxo Fernández Víctor F. Freixanes Manuel Gago Berta García Orosa Óscar Juanatey Boga Xosé López García Sandra Martínez Costa Valentín Alejandro Martínez Fernández María Isabel Míguez González Xosé Antonio Neira Cruz Alberto Pena Xosé Pereira Xosé Manuel Pereiro Fernando Pérez González Marcos S. Pérez Pena Concha Pino Xosé Ramón Pousa Xosé Rúas Araújo Antonio Sanjuán Miguel Túñez López |
| Presentación |
Rosa Aneiros Xosé López García Manuel Rivas |
| Publicación | Santiago de Compostela: Consello da Cultura Galega, 2013 |
| Edición | 1ª edición |
| Descrición física | 262 p. : gráf. ; 28 cm. |
| ISBN | 978-84-92923-47-2 |
| Depósito Legal | C 687-2013 |
| CCG. Signatura | CCG 2013 433 |
| Url externa | Catálogo RBG |
| Colección | documentos & informes |
| Materias | |
| Código QR |
|
![Portada de Dramaturxias Itinerantes [ed. 2023]](http://www.consellodacultura.gal/mediateca/extras/CCG_2023_Dramaturxias-Itinerantes-ed-2023.jpg)
