Resumen de A muller no mundo cantábrico galego dos século XVIII-XIX: As empresarias da salga.
As liñas que seguen teñen que ver co rol que xogaron as mulleres, como empresarias ou traballadoras, mesmo violentadas, no mar Cantábrico galego. Esta parte costeira de Galicia está moi pouco estudiada a pesar de ser paso obrigado das mercadorías; ferro, cravazón, cereais, fariña, viños franceses, sidra, cal, etc., que dende o País Vasco, Cantabria ou Asturias fornecían o arco nortlántico-cantábrico galego, no que había que abastar ós intereses do Real Consulado da Coruña ou do arsenal militar de Ferrol. Logo, o Cantábrico oriental hispano recibía fretes de retorno consistentes en sardiña salgada por elas, primeiro á galega (escochada), despois salpresada polos cataláns. Nesta investigación empregamos como fonte principal os protocolos notariais a través dos cales damos conta do importante papel de diferentes actividades marítimas das cales estudaremos o seu papel como empresarias da manufactura da salga.
