Resumen de Militantismoaren mutazioa: Frantziako ikasle-militantismoa adibide gisa
Militantismoaz hitz egitean bi ikuspegi nabarmentzen dira: alde batetik, militantismo klasikoa ez dela gehiago errealitate bat, esan nahi baita aldaketa sakona izan duela; eta, beste aldetik, iragana idealizatzearekin batera oraina dramatizatzen dela. Bi ikuspegi horiek bat egitean militantismoaren krisiaren sentimendua nagusitzen da, zenbait adierazle horren erakusgarri direlarik. Erakunde militanteen kidetza eta botoak beherantz doaz, zatiketak zein barne-gatazkak aldiz gorantz, eta militanteek abanguardia estatusa galdu dute. Baina horrek ez digu argibiderik eskaintzen militantismoak ezagutzen dituen aldaketei buruz. Horregatik, artikulu honetan planteatzen dugun galdera honakoa da: zein da ikasle-militantismoak jasan duen mutazioa, bere arrazoi, errealitate eta ondorioekin?
