Hai poucas experiencias educativas de atención á diversidade no alumnado de baixo nivel de rendemento escolar na educación secundaria en Galicia. Neste traballo de investigación faise unha análise detallada dos máis característicos e principais perfís educacionais dos alumnos de educación secundaria con niveis baixos de rendemento escolar, referidos a aspectos educativos e relacionados cos recursos culturais e académicos dos alumnos nos seus fogares, así como coas interaccións familiares, a súa emocionalidade, o autoconcepto, os seus afectos, as súas metas académicas, as súas expectativas, habelencias cognitivas e os seus niveis de comprensión lectora. Ademais, faise un estudo concreto dos estilos e patróns atribucionais causais dos devanditos alumnos e os seus enfoques de aprendizaxe dominantes (motivos e estratexias). Por outra banda, faise tamén unha síntese das principais variables instrucionais do proceso de ensino/aprendizaxe e relacionadas coa actividade do profesorado na aula. Finalmente, elabóranse propostas concretas de intervención psicoeducativa de atención á diversidade con este alumnado de educación secundaria de Galicia con baixo nivel de rendemento académico.
© 2001-2024 Fundación Dialnet · Todos los derechos reservados