Resumen de Ramón de Valenzuela e o teatro: exilio escénico en Buenos Aires
Na historia do teatro galego cómpre ter en conta un espazo esencial para a produción textual e escénica: a Arxentina do exilio republicano, coa súa intensa actividade cultural centrada arredor das asociacións e de figuras coma Seoane ou Blanco Amor. Baixo esta premisa, realizamos unha análise do lugar ocupado pola produción teatral galega no Buenos Aires dos anos 60 mediante o estudo da recepción en prensa da actividade dun dos nosos exiliados, Ramón de Valenzuela, un dos últimos promotores da actividade escénica galega na cidade porteña.
