O proceso de identificación dos suxeitos superdotados e de altas capacidades veuse definindo en función do modelo de superdotación mantido. Na actualidade mantense a necesidade e significatividade dun proceso amplo no que se inclúan valoracións da capacidade creativa, parciais avaliacións das capacidades cognitivas e metacognitivas e informacións referidas aos contextos familiar e escolar e á relación do suxeito con estes contextos.
No traballo que presentamos chegamos á conclusión de que o estilo de aprendizaxe pode ser considerado como unha nova variable que debe ser incluída no proceso de identificación dos superdotados.
© 2001-2024 Fundación Dialnet · Todos los derechos reservados