Resumen de Motíns de consumos (A Mariña, 1891-1892): Preguntas arredor do suxeito da revolta
Durante os meses de xullo e agosto de 1891 e de 1892, sucedéronse unha serie de motíns en distintos concellos da que fora, ata 1833, provincia de Mondoñedo. Para o estudo destes motíns, contamos con fontes hemerográficas e coa documentación administrativa e xudicial xerada a partir dalgúns destes procesos. A través da consulta de ditas fontes, o noso obxectivo é afondar no coñecemento deses motíns e, máis particularmente, investigar sobre o suxeito da revolta, para contribuír á problematización da súa interpretación histórica.
