En todos estes anos, foron moitas as organizacións, entidades, asociacións e organismos que presentaron propostas orientadas á mellora do campo das artes escénicas. Nun momento en que se deixa sentir unha fonda preocupación arredor do futuro dun sector que noutros países do noso contorno xeográfico e cultural se considera estratéxico, e que goza de medidas específicas de promoción e fomento, polo valor engadido e os retornos de todo tipo que ofrece á sociedade que o sustenta, resulta oportuno que desde o Consello da Cultura Galega, seguindo a pauta establecida na súa Reflexión estratéxica sobre a cultura galega, se propoñan liñas posibles de actuación que se poidan ter en conta á hora de que as administracións públicas tomen iniciativas que garantan o pleno desenvolvemento de manifestacións e prácticas artísticas que, amais da profesional, tamén teñen unha importante dimensión comunitaria e escolar. A Sección de Música e Artes Escénicas presenta, así, un documento para que as administracións públicas, as institucións e os axentes das artes escénicas de Galicia poidan establecer marcos de encontro e deliberación nos que deseñar plans estratéxicos para as ditas artes, que permitan o seu pleno desenvolvemento e unha converxencia real con Europa.
| Título | artes escénicas en Galicia, As Situación e perspectivas |
| Limiar |
Manuel F. Vieites |
| Presentación |
Maximino Zumalave Caneda |
| Publicación | Santiago de Compostela: Consello da Cultura Galega, 2013 |
| Edición | 1ª edición |
| Descrición física | 87 p. ; 28 cm. |
| ISBN | 978-84-92923-54-0 |
| Depósito Legal | C 2311-2013 |
| CCG. Signatura | CCG 2013 442 |
| Url externa | Catálogo RBG |
| Colección | documentos & informes |
| Materias | |
| Código QR |
|
![Portada de Dramaturxias Itinerantes [ed. 2023]](http://www.consellodacultura.gal/mediateca/extras/CCG_2023_Dramaturxias-Itinerantes-ed-2023.jpg)
